唔知大家仲記唔記得前年搞嘅Goodwear Pop-up呢😆今年佢又返嚟啦❗️今次主要帶大家體驗一下Goodwear嘅新品~ 當然都會keep返原有嘅款式啦💙等小編帶大家睇下有咩好揀啦👇🏼
.
.
.
.
.
Ringer Tee
Ringer係以領口同埋就位處嘅羅紋撞色而命名～ 佢嘅特色係裝飾嘅處理上可以令到膊頭同埋領口比例明顯，簡單清新得嚟，更比到人一個乾淨俐落嘅印象✨有不乏新鮮感覺。
另外Ringer Tee係50年代美國🇺🇸誕生嘅一個流行運動風格，深受學生愛好，而70年代開始就係佢輝煌時期，好多當時嘅演唱會都會見到呢種服裝架🎤
由於越來越多主流媒體嘅歌手不斷嘅改變穿著，潮流呢樣嘢會不斷轉變，所以每隔幾年Ringer Tee都會流行一次
3/4 Raglan Tee
牛角袖Tee比人嘅感覺比較偏向運動同休閒⛹🏻♂️
最主要係將手袖同肩膊上端相連嘅設計～
因為佢縫合線嘅形狀睇落好似牛角咁，所以多數呢種插肩方式嘅T恤都稱之為牛角袖🐮
剪裁同布料嘅配搭，再加上牛角袖嘅做法，著上去嘅時候就可以令到膊頭同埋手臂冇咁臃腫🤫
Sleeveless Top
呢款背心係今次Pop-up最推薦嘅主打產品👊🏼專為女性而設💁🏻♀️ 係一個炎熱嘅夏天，背心係出街嘅必要單品💦 背心係引入自日版Goodwear，不過布料上都依然用上有cotton USA 認證出口100%純棉 👍🏻
剪裁方面亦都相當符合亞洲人嘅身形😍而且啲顏色都經由日本設計團隊所調析，調整出不同嘅感覺且特別的顏色，作為女性嘅小編都十分心動des ne 😌
Summer Weight Tee
今季嘅summer weight tee利用精緻嘅精梳環錠紗針織，然後進行成衣染色，打造出一款超級柔軟的Tee👏🏻。摸上去手感好舒服，滑捋捋咁，顏色又夠曬豐富🤤。 由於小批量染色工藝，每件Tee 都係獨一無二架，薄而舒適，小編已經忍唔住擺左入購物車啦🛒
Goodwear Japan Pocket Tee
相信大家對日版都唔陌生，著過一次就返唔到轉頭，加上佢實有超～級～多嘅顏色選擇，一直都係Goodwear嘅人氣首選❗️❗️❗️
Modern Fit 剪裁，Made in USA，日本後期染色加工，7.2oz厚，用100% USA cotton，加埋雙車線設計加強縫合，成件事冇得頂啊❤️🔥
再一次介紹佢喺染色過程中已經做咗縮水程序，所以唔洗擔心會縮水！女生們著呢款簡直fit到漏😆
Spiral Pigment Neon Pocket Tee
小編一路都有留意開玩染色嘅Tee，因為啲pattern係染色後嘅效果好獨特，越睇越吸引😍 Goodwear今年就同你玩染色，以日版嘅版型做base，其中一款就係玩扎染🎨
扎染係一種古老嘅染布工藝，顧名思義係染色時，需將部分布結紮🪢，令到個部分唔能夠著色，從而產生獨特嘅圖案。而呢款Tee就係透過扎染形成左漩渦嘅圖案🌀，顏色仲有neon light嘅效果，夜晚件T好似識發光咁🌚，係咪好有型呢😆
Gradation Dye Pocket Tee
另一款染色Tee就係玩漸變🌈 漸變可以係淺至深，深至淺，甚至係淺深淺，深淺深，唔同嘅combination都可以誕生～
呢種染色方法可以另一件淨色Tee豐富得黎帶點簡潔感，反而唔會覺得複雜左，因為佢漸變嘅顏色都係順眼，睇落舒服，一點違和感都冇🉐 數量有限，一定要把握機會啊😎
Upcycled Shadow Stripe Tee
Goodwear 美版一向都唔會使用polyester， 但係今次呢款衣服竟然破格用左呢隻物料😱😱😱佢採用升級改造環保面料而製成♻️，超級柔軟，非常之適合夏天著喔☀️
Modern Fit剪裁，重5.5oz，成衣喺美國新英格蘭進行染色🎨 先染色，後褪色嘅條紋，令到呢款 Tee 望落乾淨而簡潔。
所以利用呢種面料做拼湊，加上靚靚嘅棉混紡，就製成左呢件獨特嘅Stripe Upcycled Tee😌。
Goodwear USA Crew Neck Tee
小編都介紹過無數次呢款鎮店之寶💎 如果你想搵寬鬆，做到oversize效果，又想重磅啲，Goodwear 美版嘅crew neck tee就係你嘅首選啦🏅100%USA cotton，7.2 oz， Size range係S-XXL，咩身型都carry到。冇pocket，成件事簡單而厚實，超易襯👖👕
Goodwear USA Henley Neck
有好多朋友仔都會被Goodwear嘅亨利領所吸引，點解🧐？因為市面上亨利領係比較少見啲，更何況係高質嘅款式🤠。
Goodwear出產嘅亨利領行Class Fit cutting，一共6色入，7.2oz厚偏重磅，100% USA cotton，夠哂闊身同挺身🔩 仲有佢特別嘅鈕扣花紋都係佢其中一個吸引之處💛
.
.
.
.
.
黎緊將會係五月下旬就會舉行Goodwear新品體驗週，詳細時間日子可以留意番我哋 instagram嘅通知 [ https://www.instagram.com/raider.hk/ ]
我地今次希望大家以感受爲主，用視覺以外嘅感官去細味一下 T-shirt，慢慢你就會發現， 其實T-shirt並不單單係一件衫，而係一門藝術，當中嘅工藝耐人尋味。